Chennai Home Job

டூ-பீஸ், முத்தக் காட்சி எதிலும் நடிக்கத் தயார் என ஒரு மார்க்கமாகத்தான் பேட்டியளித்திருந்தார் பியா. இந்த ஓவர் துணிச்சலுக்கு யாரும் செவி சாய்த்ததாக தெரியவில்லை. காரணம் புதுப்படம் எதிலும் ஒப்பந்தமாகவில்லை பியா. கவலையில் இருந்தவருக்கு அடித்திருக்கிறது மிகப்பெரிய வாய்ப்பு. கே.வி.ஆனந்த் இயக்கும் கோ படத்தில் பியா 2வது கதாநாயகியாக ஒப்பந்தமாகியிருக்கிறார். கோ படத்தில் முதலில் தமன்னா, சிம்பு நடிப்பதாக இருந்தனர். பிறகு தமன்னாவை நீக்கிவிட்டு ராதா மகள் கார்த்திகாவை ஒப்பந்தம் செய்தனர். பிறகு சிம்புவும் நீக்கப்பட்டு ஜீவா சேர்க்கப்பட்டார். பத்திரிகை போட்டோகிராபராக ஜீவா நடிக்கிறார். அவர் சந்திக்கும் பிரச்சினைகள்தான் கதை. அஞ்சாதே அஜ்மல் முக்கியமான கதாபாத்திரத்தில் நடிக்கிறார். அவருக்கு ஜோடியாக பியா நடிக்கிறார். படப்பிடிப்பிற்காக சீனாவுக்கு செல்ல ஜீவாவுக்கு விசா கிடைக்கவில்லை. இதனால் சென்னையிலேயே படப்பிடிப்பு நடத்த படக்குழு யோசித்துள்ளது. ஹாரிஸ் ஜெயராஜ் இசையமைக்கிறார்.